سر الاعجاب********

*** سر الإعجاب ***
قالت وش أكثر شي يعجبك فيني
قلت بصراحة كل ما فيك جذاب
اسمك ورسمك والشعر والجبيني
وعيونك وصوتك وخدك والأهداب
قالت تبالغ قلت لا صـــــــدقيني
ترى وصفك مابــه شي ينعاب
ما كنك إلا الليل للعاشقيني
وما كنك إلا الوصل ما بين الأقراب
كلك على بعضك كيذا تعجبيني
وفي كل يوم فيك يزداد الإعجاب
وشلون ما أدري بس ذا شوف عيني
والعين ما تلام في وصف الأحباب
أجمل من النسرين والياسميني
وأصدق من احساس الوفي بين الأقراب
الله وش ها الزين يا نو عيني
حتى القمر يومك طلعتي معه غاب
يا كثر منتي بالغلا تملكيني
ويا كثر ماني في شرايينك انساب
يا شمس عمري يا دفاي وحنيني
جيتك حروف الحب وعيونك كتاب
بالحيـــــــل أحبك يارجاوي سنيني
وحبك فتح للعاطفة كل الأبواب
إحساسي الصادق معك يحتويني
وإحســــــاسي لغيرك من الناس كذاب
عمر الغرام إن طال ينك وبيني
لا تســــأليني يوم عن سر الإعجاب**